फोरेक्स रेमिट्यान्सद्वारा मोवाईल एप्लिकेसन संचालन

टोकियो । जापानबाट नेपाल लगायत विश्वका विभिन्न देशहरुमा पैसा पठाउँदै आइरहेको फोरेक्स रेमिट्यान्सले मोवाईल एप्लिकेसन संचालनमा ल्याएको छ । ग्राहकहरुको सेवालाई अझ बढी छिटो, छरीतो र सहज बनाउने उदेश्यले एन्ड्रोइड र आइफोनको लागि मोबाइल एप्लिकेसन संचालनमा ल्याएको हो ।
ऐप्लिकेशन कम्पनीको ब्राण्ड FJPAY को नामबाट playstore र apple स्टोरमा उपलब्ध छ । कम्पनीले एप्लीकेसन मार्फत कारोबार गर्ने ग्राहकवर्गहरुलाई उत्कृष्ट रेट सहितको सेवा प्रदान गर्ने कम्पनीका डाईरेक्टर बाबुराम पौडेलले जानकारी दिनुभयो । बिभिन्न उपहार योजनाहरु समेत संचालन गर्दै आएको फोरेक्स रेमीटले निकट भविष्यमै आफ्नै wallet सहितको सेवा विस्तार गर्ने पौडेलले जानकारी दिनुभयो ।

डाईमन्ड नारिता एफसीसंग सम्झौता
फोरेक्सले जापानमा रहेका नेपाली खेलाडीहरुको क्षमता अभिबृद्दी गर्नका लागी डाईमन्ड नारिता एफ सी संग सम्झौता गरेको छ । चिवामा रहेर फुटवल क्लब मार्फत विभिन्न खेलकुद क्षेत्रमा क्रियाशील रहेको उक्त डाईमंड नारिता एफसी संग एक बर्षको लागी सम्झौता गरेको हो ।
टोकियोको कामता स्थित फोरेक्स कम्पनीको कार्यालयमा एक कार्यक्रमको आयोजना गरी फुटबल क्लबका म्यानेजर नबीन दीप गुरुंग र फोरेक्सका डाईरेक्टर बाबुराम पौडेलले सम्झौता पत्रमा हस्ताक्षर गरेका हुन ।