टोकियो । नेपाल पत्रकार महासंघ जापानको नयाँ नेतृत्वलाई नोभेम्बर ३० तारिख भोली पदभार हस्तान्तरण कार्यक्रम हुने भएको छ ।
पत्रकार महासंघकी केन्द्रीय अध्यक्ष निर्मला शर्माको प्रमुख आतिथ्यतामा पदभार तथा नव निर्वाचित कार्य समितिलाई सपथ गराउने कार्यक्रम तया भएको निर्वाचन समितिका संयोजक खगराज गौतमले जानकारी दिनुभयो।
पत्रकार महासंघ जापानको टोकियोमा गत आइतबार सम्पन्न छैटौं अधिवेशनबाट आगामी ३ वर्षका लागि रविन्द्र श्रेष्ठ ‘गोर्खाली’ अध्यक्षमा विजयी भएका थिए। यसैगरी खुला उपाध्यक्षमा मनिषा चम्लागाई, महिला उपाध्यक्षमा लक्ष्मी पौडेल विजयी भएकी छन् भन् सचिवमा अर्जुल लामिछाने विजयी भएका थिए।
नयाँ कार्यसमितिको सहसचिवमा विष्णुप्रसाद सापकोटा र फुर्वा शेर्पा, कोषाध्यक्ष भुलबहादुर राना निशान, सदस्यहरु दिनेश थापा, दुर्गाप्रसाद आचार्य, भवानी भट्ट, भुवन भण्डारी, रामचन्द्र गिरी, विनोद ढकाल सर्वसम्मत चयन भएका थिए ।
त्यसै गरी शपथ ग्रहण सके पश्चात् महासंघ जापान शाखाको आयोजनामा केन्द्रीय अध्यक्ष शर्माले सहजीकरणमा
‘प्रवासमा जिम्मेवार पत्रकारिता र सामाजिक सञ्जालको प्रयोग”
विषयक प्रशिक्षण कार्यक्रम समेत हुने भएको छ ।
