टोकियो,२८ जेठ । गैर-आवासीय नेपाली संघ (एनआरएनए) जापानले पुरानो तथा नयाँ सदस्यता सदस्यहरुको नामावली प्रकाशित गरेको छ ।
मिति २०१७ मार्च १२ तारिख सम्म र पछि ४ दिन थप गरी जुन महिनाको ४ तारिखसम्म १३ क्षेत्रबाट प्राप्त भएका आवेदनलाई आधारमा सदस्यहरुको नामावली प्रकाशित गरिएको हो ।
एनआरएनए जापानले जारि गरेको विज्ञप्ति अनुसार दावी विरोधको समयाविधि जुन ११ देखि १३ सम्म भएकोले सदस्यताका लागि आवेदन दिएका सवैले नामावली सूचीमा आफ्नो नाम रहे नरहेको चेक गर्न अनुरोध गरेको छ ।
सो नामावलीमा जुन २ तारिखसम्म सदस्यता शुल्क तिर्नेको नामावली मात्र प्रकाशित गरिएको छ । नामावली प्रकाशित नभएकाहरुले फोटो, परिचय पत्र, फोन नम्वर, सदस्यता शुल्क तिरेको रसिद एनआरएनए कार्यसमिति र क्षेत्रीय समितिमा सम्पर्क गर्न जारि विज्ञप्तिमा भनिएको छ ।
अन्तिम नामावली जुन १५ तारिख प्रकाशित गरिने जनाएको छ ।
सम्पूर्ण निवरण थाहा पाउन यहाँ क्लिक हेर्नुहोस्
http://www.nrnjapan.org/approved-members/
