बिहिबार, फागुन १०, २०८०

आफूँलाई निर्वाचित भएर काम गर्ने इच्छा: रोशन थापा

जापान । एनआरएनएको चेनावी सरगर्मी बढेसँगै युवा उपाध्यक्षका प्रत्यासी रोशन थापाले युवाहरुको हकहितमा गर्नुपर्ने धेरै काम अधुरै रहेकाले आफूले सोही पदमै उम्मेदवारी दिन लागेको बताउनु भएको छ ।

थापाले आफूले अभियानमा आफूभन्दा धेरै खट्ने अर्को व्यक्ति आए चुनाव नलड्ने पनि निधो गरेको बताउनुभयो । अभियानमा लामो समयदेखि सक्रिय छु। काम गर्ने क्रममा केही अनुभव पनि बटुलेको छु, उहाँले भन्नुभयो, ‘यो सामाजिक संस्थामा म नै हुनुपर्छ भन्ने छैन। यदि मभन्दा धरै काम गरेका र गर्नसक्ने साथीहरू हुनुहुन्छ र आउनुहुन्छ भने म तगारो भने बन्दिन ।’ थापाले आफूलाई निर्वाचित भएर काम गर्ने इच्छा भएको बताउनुभयो ।

‘अहिलेको त कार्यकाल फाटेको मन टाल्ने र सिलाउनेमै बित्यो। निर्वाचित भएर काम गर्ने इच्छा छ,’ उहाँले थप्दै भन्नुभयो । अघिल्लो कार्यकालमा युवा उपाध्यक्ष पदमा उम्मेदवारी दिएपनि निर्वाचन हुन नसक्दा आफ्नो नाम बहुपदीय प्रणालीमा निर्विरोधमा आएको बताउनुभयो ।

हामीले यो डेढ वर्षे कार्यकाल फाटेको मन टाल्ने सिलाउनेमै खर्च गर्‍यौं। मलाई एक कार्यकाल यहाँहरूबाट निर्वाचित भएर काम गर्न एकदमै मन छ। म संस्थामा काम गरेर देखाउने छु। थापाले एनआरएनए गर्नुपर्ने काम धेरै रहेको बताउनुभयो। आफू निर्वाचित भएर आइसकेपछि युवा तथा विदेशमा हुर्किदैँ गरेको दोस्रो पुस्ताका लागि काम गर्ने उहाँको भनाइ छ।

विशेषगरी युवा विभागका निति नियमहरु पनि धेरै बनाउनु पर्नेछ। दोस्रो पुस्ताका नेपालीहरूलाई नेपाली भाषा र संस्कृतिसँग जोड्ने कुराहरुदेखि लिएर ठूलो संख्यामा अहिले बाहिर गइरहेका युवालाई मुलधारमा कसरी ल्याउने भन्ने सवाल छ,’ उहाँले भन्नुभयो।

उहाँले अगाडी थप्नुभयो, ‘विदेशमा कमाएको पुँजीदेखि लिएर खेलकुदको क्षेत्रमा पनि एनआरएनएले उल्लेख्य काम गरेको छ। खेलकुदका क्षेत्रमा आइसीसीदेखि एनसीसीसम्म कसरी पुग्न सकिन्छ भन्ने मुद्धाहरु छन्। यसमा मैले काम गर्नेछु।’

उहाँले आफू एनआरएनएमा तल्लो तहदेखि काम गर्दै आएकाले गैर आवासीय नेपालीका मुद्धालाई जरैदेखि बुझेको बताउनुभयो । ‘म पनि अनुभवका आधारमा ग्राउण्ड लेबलबाटै आएको हुँ। एनआरएनए अभियानमा तल्लो लेवलदेखि काम गरेको छु। अमुल्य मत दिएर संस्थामा सेवा गर्ने अवसर दिनुहुन्छ भन्ने विश्वास छ,’ उहाँले भन्नुभयो।

विगत लामो समयदेखि जापान र अफ्रिकालाई आफ्नो कर्मथलो बनाएका थापा अनुभवी र सम्भावना बोकेका एनआरएनए अभियन्ताकाृ रुपमा चिनिनेहुन्छ । २ दशकअघि अध्ययनका लागि जापान पुगेका थापासँग यसअघि एनआरएनए ताम्जिानियाको दुई कार्यकाल र एनआरएनए अफ्रिकी क्षेत्रको नेतृत्व समेत गरिसक्नु भएको छ ।