जापान। नेपालको कास्की जिल्ला स्थायी घर भई,जापानमा विभिन्न पेशा व्यवसायमा आवद्ध कास्केलीहरुको साझा संस्था कास्की पोखरा समाज जापानको ५ औँ अधिवेशन डिसेम्बर १८ तारिख टोकियोमा आयोजना हुने भएको छ ।
जापानमा रहेका सक्रिय सस्था मध्येको एक कास्की पोखरा समाज जापान(के पी एस)को पांचौ अधिवेशनले २ वर्षका लागि नयाँ नेतृत्व चयन गर्ने एवं अधिवेशनको सबै तयारी पुरा भएको अध्यक्ष बिष्णु प्रसाद सुबेदी ( विश्व )ले जानकारी गराएका हुन् ।
संस्थाका प्रवक्ता दिपक सुनारका अनुसार,डिसेम्बर १८ तारिक हुने अधिवेशनका लागि कास्कीआदर्श समाज अन्तराष्ट्रिय समन्वय परिषद नेपालका उपाध्यक्ष विकास पौडेलको संयोजकत्वमा कास्की पोखरा समाज जापान ( के पी एस)का संस्थापक अध्यक्ष जेपि पन्डित,पूर्व अध्यक्ष शिव प्रसाद पौडेल,निवर्तमान अध्यक्ष विकास श्रेष्ठ र सल्लाहकार मोहन पौडेल सम्मिलित निर्वाचन समिति बनाईएको छ ।
कास्की पोखरा समाज जापानले जापानमा बसोबास गर्ने सबै कास्केलीहरुलाई अधिवेशनमा सहभागि भईदिनका लागि पनि अनुरोध गरेको छ ।
