Nepali date


शनिबार, अशोज ४, २०७६

सह-प्राध्यापक डा.लामिछानेको आत्मकथा‘अन्तर्दृष्टि’को जापानमा पनि लोकार्पण

टोकियो । जापानको चुकुबा विश्वविद्यालयका सह-प्राध्यापक डा.कमल लामिछानेको संस्करणात्मक कृति ‘अन्तर्दृष्टि’ को लोकार्पण तथा अन्तर्क्रियात्मक कार्यक्रम सम्पन्न भएको छ ।
जापानबाट विद्यावारिधि गर्ने पहिलो नेपाली दृष्‍टिबिहिन डाक्टर लामिछानेद्वारा लिखित कृति ‘अन्तर्दृष्टी’को जापान लोकार्पण कार्यक्रम शनिवार टोकियोमा एक कार्यक्रम गरि सम्पन्न भएको हो ।
गैरआवासिय नेपाली संघ जापान र अन्तराष्ट्रिय नेपाली साहित्य समाज जापान च्याप्टरले संयुक्त रुपमा आयोजना गरेको कार्यक्रममा एक दर्जन जति संघसंस्थाहरु सह आयोजकका रुपमा रहेका थिए । चुकुबा विश्वविद्यालय जापानमा सह(प्रध्यापकको रुपमा कार्यरत कृतिकार डा लामिछानेको पुस्तक गत शनिबार नेपाल बिमोचन भएको थियो ।

कार्यक्रममा बोल्दै कृतिकार डा लामिछानेले पुस्तक आफ्नो जीवन भोगाइलाई समेटिएर लेखिएको एक आत्मकथा भएको बताउँदै उहाँले आत्मकथा कठोर सत्यहरु माथिको निर्मम लेखेन रहेकोले आफ्ना जीवनका हरेक पाटाहरुलाई सरल रुपमा पुस्तकमा उतारेको बताउनुभएको थियो । समाजमा अपांगता भएका ब्यक्तिहरुप्रती हेर्ने र गर्ने ब्यवहार केही सुधार हुनुपर्दछ भन्ने कारणले पनि पुस्तक लेखेको जानकारी गराउनुभएको थियो । जापान अनुभवलाई पुस्तकमा आफुले तिस प्रतिशत जती स्थान दिएकोले बिदेशको तयारीमा रहेका जो कोहिले पनि यो पुस्तक केही उपयोगी रहेकोले एक पटक अध्ययन गर्न आग्रह पनि गर्नुभएको छ ।
१५ बर्ष देखी जापानमा रहनुभएका कृतिकारले अपांगता भएकाहरुको हौसला बढाउने मात्र होइन, सपांग व्यक्तिलाई पनि अपांगताबारे बुझाउने काम गरिरहेको बताउनुभएको थियो ।
अनेसास जापान च्याप्टरका अध्यक्ष दीप पाठकले कार्यक्रमको बारेमा जानकारी गराउनुभएको थियो भने साहित्यकार तथा अनेसास जापानका पुर्व अध्यक्ष बेलुकाजी थापाले पुस्तक समिक्षा गर्नुभएको थियो भने एनआरएनए आईसिसी सदस्य महेश श्रेष्ठले आलोचनात्मक समिक्षा गर्नुभएको थियो ।

जापानस्थित नेपालि राजदुतावासका उप नियोगप्रमुख कृष्णचन्द्र अर्यालले नेपालीहरु बिदेशमा आधारभुत आवश्यकताका बिषयमासमेत गम्भिर नहुँदा हरेक क्षेत्रबाट निराश भैरहँदा केही गर्वगर्न लायक ब्यक्तित्वहरुले देशको साख कायम गरिरहेको कुरा बताउनु भएको थियो ।
भने जापानकालागी नेपाली राजदुत प्रतिभा राणाले पठाउनुभएको शुभकामना सन्देश पढेर सुनाउँदै कृतिकारलाई हस्तान्तरण गरिएको थियो ।
कार्यक्रममा नेपाल पत्रकार महासंघ जापान शाखाका अध्यक्ष मोहन घले,गैरआवासिय नेपाली संघका प्रवक्ता भुषण घिमिरे तथा सदस्य ओम गुरुङ् लगायतले शुभकामना मन्तब्य राख्नुभएको थियो ।
साहित्यकारहरु गिरिजा गैरे भुवन रोका र दीपा घिमिरेले साहित्यिक रचना प्रस्तुत गर्नुभएको थियो । कार्यक्रम गैरआवासिय नेपाली संघ जापानका महासचिब बुद्धिराज घिमिरेको संचालन बरिष्ठ उपाध्यक्ष देबिलाल भण्डारीको धन्यवाद मन्तब्य र अध्यक्ष टाशी वाङ्दी लामाको अध्यक्षतामा सम्पन्न भएको थियो ।

फेसबुकबाट तपाइको प्रतिक्रिया