Nepali date


शनिबार, जेष्ठ ११, २०७६

काठमाडौं महानगरपालिकाले ४ वटा नयाँ ब्रुमर भित्र्यायो

काठमाडौं । काठमाडौं महानगरपालिकाले ४ वटा नयाँ ब्रुमर भित्र्याएको छ । काठमाडौंको धुलो टिप्न महानगरपालिकाले ८ करोडभन्दा बढी खर्चेर इटालीबाट ४ वटा ब्रुमर भित्र्याएको हो ।

नयाँ प्रविधिको ब्रुमर भएकाले अब काठमाडौंका धुलोमुक्त पार्न सजिलो हुने महानगरपालिकाका मेयर विद्या सुन्दर शाक्यले अनलाइनखबरसँग बताए ।
महानगरपालिकासँग भएका पुराना ब्रुमरले टिपेको धुलो माथिबाट पुनः खस्ने गथ्र्यो । जसले गर्दा सफा गरेको पनि कुनै अर्थ हुँदैनथ्यो । सडकका विभागका ब्रुमर पनि काठमाडौंका हकमा त्यति उपयोगी नभएको पाइन्छ ।

तर, अब महानगरका बढी भीडभाड हुने क्षेत्रमा यी ब्रुमरले सडक बढार्दै धुलो तानेर सफाइ गरिने मेयर शाक्य बताउँछन् ।
एयरपोर्ट, सिनामंगल, बानेश्वर, त्रिपुरेश्वर, टेकू, कालीमाटी, कलंकी, टुँडिखेल, सिंहदरबार, दरबारमार्ग, चक्रपथ लगायतका मुख्य सडक क्षेत्रका साथै स्वयम्भु, पशुपति, बौद्ध, हनुमानढोका जस्ता ऐतिहासिक सम्पदा क्षेत्रहरुमा ब्रुमरले सफाइ गर्नेछ ।

Loading...

फेसबुकबाट तपाइको प्रतिक्रिया