टोकियो । नेपाली ब्यवसाय संघ (एनविए)जापानले टोकियोमा आयोजनामा ईन्सुरेन्स, लगानी, भिसा लगायतका विषयहरुमा सजिलोसँग बुझाउन विज्ञहरुसँग अन्तरक्रियात्मक सेमिनार सम्पन भएको छ ।
शनिवार टोकियोस्थित सोलमरी मुरा हलमा एनविए जापानको आयोजना र एनआरएनए जापानको सह-आयोजनामा सम्पन्न सेमिनार जापानमा ब्यवसाय गरिरहेका तथा जापानमा बसोबास गर्ने नेपालीहरुको लागि उपयोगी रहेको थियो ।
सेमिनारमा जापानमा रहेको नेपाली लगानीकर्ताको ब्यवसाय कसरी बढाउन सकिन्छ ? जापानको करप्रणाली एवं जापानले विदेशीलाई दिने भिसा प्रकृया, बैङबाट लिन सकिने ऋण बारेमा जानकारी सहित अन्तरक्रिया गरिएको थियो ।
जापान सरकारले विदेशीलाई दिने भिषाको बारेमा टाकुया कानेकाले जानकारी दिदै, जापानको भिसा विदेशीलाई दिन कडाई गरेको भन्दै विभिन्न प्रावधानहरु थपिएको बताउँदै, होकेन, ट्याक्स समयमा नै भुक्तानी गर्ने सहित ब्यबहार पनि हेर्ने हुँदा जापानीले जस्तै सोच्दै त्यहि अनुसारको काम गर्न अनुरोध गर्नुभयो । उहाँले ख़राब बानी भएका जापानीहरु पनि धेरै भएकाले सहि र लाईसेन्स लिएकाहरुसँग बुझेर काम लिन अनुरोध पनि गर्नु भयो ।
यसैगरी जापानमा व्यवसायीहरुको सहयोगको लागि जापानमा रहेको डाटा बैङको बारेमा यामामोतो सुईसिले जानकारी दिनुभयो ,वहाँले डाटा बैंकले ब्यवसायी को रेटिङ गर्ने र जापानमा रहेको ब्यवसायीको रेकर्ड राख्ने लगायतको जानकारी दिनुभयो ।
यसैगरी ब्यवसायको लागि बैङबाट लिने सकिने ऋणको बारेमा खाजुकि सेराईले जानकारी दिनुभयो । वहाँले अहिले जापान सरकारले मनि लङड्रिङको कानुनले गर्दा खाता खोल्न निकै गारो भएको जानकारी दिदै सबै तयारी गरेर बैङमा जान सल्लाह दिनुभयो । उहाले बैङबाट ऋण लिन सजिलो भएपनि तयारी भएन भने नदिन पनि सक्ने जानकारी गराउदै ऋणको लागि कुनै पनि कम्पनिको भेदभाव नहुने पनि प्रस्ट पार्नुभयो ।
त्यसै गरि ओगावा बुन्केईले जापानमा सरकारले लगाउने करहरुबारे जानकारी गराउनुभयो । बुन्केईले,जापानमा कम्पनी र ब्यक्ति दुबैको करबारे दुई तरिकाको व्यवस्था रहेको जानकारी दिदै सरकार र आफु बस्ने नगरपालिकालाई गरी भिन्न-भिन्न कर तिर्नु पर्ने बताउनुभयो ।
“एकता ब्यवसायिकता र उद्दमशिलता, हाम्रो प्रतिबद्धता” भन्ने उदघोष् सहित शनिबार सम्पन्न भएको सेमिनारको प्रमुख अतिथि जापानस्थित नेपाली दूतबासका उपनियोग प्रमुख कृष्ण चन्द्र अर्यालको रहनु भएको थियो । नेपाली ब्यवसाय संघ जापानका अध्यक्ष विजय थकालीको अध्यक्षतमा भएको कार्यक्रममा ब्यवसायको बारेमा महेश श्रेष्ठले प्रकाश पार्नु भएको थियो भने कार्यक्रम संचालन सघंका महासचिव पुष्कारजङ थापाले गर्नु भएको थियो ।
सेमिनारमा सहभागी भएका जापानी विज्ञहरु सहित कार्यक्रममा सहभागिको तर्फबाट तिलक मल्ल र मोहन पौडेल, बोल्नु भएको थियो । सेमिनारमा जापानी र नेपाली भाषा अनुवादन विशु भन्डारीले गर्नुभएको थियो ।
