पर्यटन व्यवसायी रिजालद्वारा एमालेको केन्द्रीय सदस्यमा उम्मेदवारी घोषणा

काठमाडौं । सफल पर्यटन व्यवसायी तथा नेपाल पर्यटन बोर्डका उपाध्यक्ष चन्द्र रिजालले नेकपा एमालेको दशौं महाधिवेशनका लागि केन्द्रीय सदस्यमा उम्मेदवारी घोषणा गरेका छन् ।

पार्टीको उद्योग व्यवसायी जिल्ला कमिटी अध्यक्ष तथा उपत्यका विशेष प्रदेश कमिटी सदस्य र पर्यटन केन्द्रीय विभागको सचिवसमेत रहेका रिजालले केन्द्रीय सदस्यमा उम्मेदवारी घोषणा गरेका हुन् ।

१३ वर्षदेखि रिक्त नेपाल पर्यटन बोर्डको उपाध्यक्षमा सर्वसम्मत चयन भएका उनी ट्रेकिङ एजेन्सिज एसोसियन नेपालको पूर्वअध्यक्ष पनि हुन् ।

दश वर्षको उमेरदेखि २८ वर्षसम्म अनेरास्ववियुका प्रारम्भिक कमिटीदेखि केन्द्रीय कमिटीसम्म सक्रिय रिजाल २०४६ सालमा नेकपा (माले) को युथ लिगमा संगठित भएका थिए । २०४७ सालमा पार्टीको संगठित सदस्यता प्राप्तिपछि उनले पार्टीको ईलाका कमिटीमार्फत् सांगठनिक जीवन सुरु गरेको बताएका छन ।

उनले एमालेलाई थप सुदृढ र उत्पादनसँग जोड्ने नीति कार्यान्वयनका लागि आफूले केन्द्रीय सदस्य उम्मेदवारी दिने घोषणा गरेका छन ।

फेसबुकबाट तपाइको प्रतिक्रिया

%d bloggers like this: