काठमाडौँ । न्यायपरिषद्ले उच्च अदालतका चार न्यायाधीशलाई सर्वोच्च अदालतको न्यायाधीशमा सिफारिस गरेको छ ।
मंगलबार बसेको परिषदको बैठकले उच्च अदालतका न्यायाधीशहरू रत्नबहादुर बागचन्द, चन्द्रबहादुर सारू, जनक पाण्डे र गोकर्ण डाँगीलाई सर्वोच्चको न्यायाधीशका लागि सिफारिस गर्ने निर्णय गरेको हो । बागचन्द उच्च अदालत पोखराका मुख्य न्यायाधीश हुन् भने तीन जना उच्च अदालतका न्यायाधीश हुन् ।
