जाजरकोट । जाजरकोटमा अविरल वर्षापछि आएको पहिरोमा परेर एक महिलाको मृत्यु भएको छ भने दुई जनाको सकुशल उद्धार गरिएको छ ।
जिल्ला प्रहरी कार्यालय जाजरकोटका अनुसार असार २८ गते परेको अविरल वर्षाका कारण भेरी नगरपालिका–२ राङ्सीमा जयशीला शाहको अस्थायी टहरामाथिबाट पहिरो खसेर टहरा पुरिएको थियो । घटनामा करिब ६० वर्षीया जयशीला शाहको घटनास्थलमै मृत्यु भएको प्रहरीले जनाएको छ ।
पहिरोमा परेकी उनकी करिब ४० वर्षीया छोरी मेनुका शाह थापा र करिब ७ वर्षीया नातिनी टिका थापाको भने स्थानीयवासी र सुरक्षाकर्मीको सहयोगमा सकुशल उद्धार गरिएको प्रहरीले जनाएको छ।
