भोली आईतबार नोभेम्बर २३ तारिख नेपाल पत्रकार महासंघ जापान शाखाको छैठौँ अधिवेशन हुदैछ । यस अधिवेशनवाट आगामी तिन बर्षे कार्यकालका लागी नयाँ समिति निर्वाचित हुने भएकाले पनि महासंघमा को-को आउने हुन भन्ने चासो व्यापक बढेको देखिन्छ । निर्वाचन समितिले शुक्रवार बेलुका सार्वजनिक गरेको सुचना अनुसार अध्यक्ष लगायत केहि पदहरुमा आबश्यक भन्दा बढिको उम्मेदवारी परेकोले निर्वाचन हुने लगभग पक्का पक्कीनै भएको छ । केहि पदहरुमा भने निर्विरोध निर्वाचित भएका छन् ।
अध्यक्ष पदका लागी बर्तमान उपाध्यक्ष रबिन्द्र श्रेष्ठ र बर्तमान सचिव राजन गौतमको उम्मेदवारी परेको छ त्यसैगरि उपाध्यक्षका लागी गोकर्ण अधिकारी, मनिषा चम्लागाई र बिनोद कुमार सापकोटा, महिला उपाध्यक्षका लागी लक्ष्मी पौडेल र सजिना मोक्तान, सचिवमा अजुर्न लामिछाने र बिश्वास आचार्यको उम्मेदवारी परेको छ । खुल्ला सहसचिव बिष्णु प्रसाद सापकोटा, समावेशी सहसचिव फुर्वा शेर्पा, कोषाध्यक्ष भुलबहादुर राना निशानको मात्र उम्मेदवारी परेकोले उनिहरु निर्विरोध निर्वाचित भएका छन् ।
खुल्ला सदस्यमा दिनेश थापा, दुर्गा प्रसाद आचार्य, राम चन्द्र गिरी, भवानी भट्ट, भुवन भण्डारी र विनोद खनाल, निरुता बिकको उम्मेदवारी परेकोले यसमा पनि मतदान हुने भएको हो । त्यसैगरि समावेशी एक सदस्य र दुई केन्द्रिय परिषद सदस्यमा भने कसैको पनि उम्मेदवारी दर्ता भएको छैन ।
