टोकियो । जापानमा चीन विरोधी र चिनियाँ नागरिकमाथि आक्रमणका घटना बढ़े पछि चीनको विदेश मन्त्रालयले हालै जारी गरेको जापान यात्रासम्बन्धी सूचना र यात्रा नगर्न चेतावनी दिइएको छ ।
चीनपछि मकाउ र हङकङले पनी जापान भ्रमणमा संयमता अपनाउन आफ़ना नागरिकलाई आग्रह गरेको छ ।
जापान यात्रासम्बन्धी सूचना र जापानमा चिनियाँ नागरिकमाथि आक्रमणका घटनाहरू बढेको सन्दर्भमा मकाउ सरकारको पर्यटन विभागले पनी जापानमा रहेका वा जान लागेका आफ्ना नागरिकहरूलाई सुरक्षा सतर्कता बढाउन आग्रह गरेको छ।
चीनले जारी गरेको ‘ओभरसिज स्टडी अलर्ट’ अनुसार जापानमा बढ्दो असुरक्षाका कारण विद्यार्थीहरूले आफ्नो अध्ययन योजना सावधानीपूर्वक मूल्यांकन गर्नुपर्ने जनाएको छ ।
जापानमा रहेका विद्यार्थीलाई व्यक्तिगत सुरक्षा सतर्कता बढाउन, जोखिम नजिकबाट नियाल्न र आवश्यक परे तत्काल स्थानीय दूतावाससँग सम्पर्क गर्न सुझाव दिइएको छ ।
मकाउका अधिकारीहरूले जापानको स्थितिको निरन्तर निगरानी गरिरहेको र आफ्ना ट्राभल अलर्ट वेबसाइटमा विशेष सूचना अद्यावधिक गरिएको बताएका छन्। जापानमा रहेका वा यात्राको तयारीमा रहेका मकाउका बासिन्दाहरूलाई सुरक्षित रहन, स्थानीय घटनाक्रम र चीनका दूतावासरकन्सुलटहरूका सूचनाहरूमा ध्यान दिन भनिएको छ।
यसैबीच, मकाउ एयरलाइन्सले नोभेम्बर १५ देखि डिसेम्बर ३१ सम्मका लागि जापानको टिकट खरिद गरेका यात्रुहरूलाई निशुल्क रद्द वा मिति परिवर्तनको सुविधा दिने घोषणा गरेको छ।
त्यसै बीच हङकङ सरकारको सुरक्षा ब्युरोले समेत जापानको यात्रा गर्दा उच्च सतर्कता अपनाउन आफ्ना नागरिकहरूलाई आग्रह गरेको छ। नोभेम्बर १६ मा जारी यो चेतावनी चिनियाँ सरकारले आफ्ना नागरिकहरूलाई जापान भ्रमणमा संयमता अपनाउन गरेको आग्रहलाई पछ्याउँदै आएको हो।
ब्युरोले आफ्नो वेबसाइटमा यस वर्षको मध्यदेखि जापानमा चिनियाँ नागरिकहरूमाथि आक्रमणका घटनाहरू बढेको उल्लेख गरेको छ।
यसबाहेक, जापानी प्रधानमन्त्री सानाए ताकाइचीको ताइवानसम्बन्धी टिप्पणीलाई लिएर चीनले कडा विरोध जनाइरहेको छ। यो घटनाक्रमले दुई देशबीचको राजनीतिक तनाव बढेको र यसले पर्यटन र क्षेत्रीय सम्बन्धमा असर पार्ने देखिएको छ।
