मङ्गलबार, साउन ०१, २०८१

पारा एथलेटिक्स विश्व च्याम्पियनसिप जापानको कोबेमा सुरु

पारा एथलेटिक्स विश्व च्याम्पियनसिप शुक्रबार मध्य जापानको बन्दरगाह सहर कोबेमा सुरु भएको छ ।
पूर्वी एसियामा पहिलो पटक आयोजना भएको र पेरिस २०२४ प्याराओलम्पिक खेलकुदका लागि महत्त्वपूर्ण क्वालिफायर, प्यारा–एथलेटिक्स इभेन्टले एक सय ६८ स्पर्धामा प्रतिस्पर्धा गर्न एक सय देश र क्षेत्रका एक हजारभन्दा बढी खेलाडीलाई आकर्षित गरेको छ ।
  ह्योगो प्रिफेक्चरका गभर्नर मोतोहिको साइतोले शुक्रबार उद्घाटन समारोहमा भने, “विश्वका उत्कृष्ट पारा–एथलिटहरू कार्यमा देख्नु विश्वभरका मानिसका लागि ठूलो उत्साह र प्रेरणा ल्याउने छ ।”
उक्त समारोहमा विश्व पारा एथलेटिक्सका प्रमुख पल फिट्जगेराल्डले पनि आफ्नो शक्ति, सीप र दृढ सङ्कल्प प्रदर्शन गर्ने र प्रत्येक दिन व्यक्तिगत उत्कृष्टता हासिल गर्ने प्रयास गर्ने खेलाडीहरूलाई सम्मान गरेको बताए ।
    कूल ७३ चिनियाँ पारा–एथलिटमध्ये धेरै बहु–इभेन्टरहरू छन् । च्याम्पियनसिपको ११ औँ संस्करण सन् २०२१ को मूल निर्धारित वर्षबाट कोभिड–१९ महामारीको कारण दुई पटक स्थगितपछि युनिभर्सियड मेमोरियल स्टेडियममा मे २५ सम्म चल्नेछ ।