Nepali date


बिहिबार, मंसिर २६, २०७६

भरतपुरमा पुनः मतदान गर्ने निर्वाचन आयोगको निर्णय, आयुक्तकै असहमति

काठमाडौं,२१ जेठ । भरतपुर महानगरपालिकाको वडा नं. १९ मा पुनः मतदान गर्ने निर्णय गरेको छ । मतगणना स्थल अनाधिकृत रुपमा कब्जा भएको पुष्टि भएको भन्दै आयोगले वडा नं. १९ को मतदान केन्द्रको सम्पूर्ण मत अवैध घोषित गर्दै मतदान रद्द गरेको छ ।

मुख्य निर्वाचन अधिकृतले मतपत्र च्यातिएको र मतगणना स्थल रणभूमितुल्य भएको प्रतिवेदन पठाएको भन्दै आयोगको निर्णयमा भनिएको छ, ‘स्थानीय तह निर्वाचन ऐन, २०७३ को दफा ५० को उपदफा (१) को खण्ड (ख) बमोजिम मतगणना स्थलको अनधिकृत कब्जा भएको भन्ने पुष्टि हुन आएको हुँदा सोही दफाको उपदफा (४) बमोजिम कब्जाबाट असर परेको चितवन जिल्ला भरतपुर महानगरपालिका वडा नं. १९ को मतदान केन्द्रको सम्पूर्ण मतपत्रहरू अवैध घोषित गरी मतदान रद्द गर्ने ।

साथै मतदानका लागि नयाँ मिति तोक्न भरतपुरका मुख्य निर्वाचन अधिकृतलाई निर्देशन दिएको छ ।

ऐनको दफा ५० को उपदफा (५) बमोजिम मतदान रद्द गरिएका मतदान केन्द्रको मतदान हुने स्थान, मिति र समय तोकी पुनः मतदान गराउने व्यवस्था मिलाउन मुख्य निर्वाचन अधिकृतलाई निर्देशन दिइएको छ ।

जेठ १४ गते मध्यरातमा माओवादी प्रतिनिधिले मतपत्र च्यातेका थिए ।

मतदान गर्ने निर्णयमा निर्वाचन आयुक्तकै असहमति

आयोगले शनिबार भरतपुरको मतगणनाका क्रममा मतदान स्थल कब्जा भएको ठहर गर्दै वडा नं. १९ को मतदान बदर गर्दै पुनःमतदान गर्ने निर्णय गरेको थियो ।

यो निर्णयमा आयुक्त नरेन्द्र दाहालले असहमति जनाएका हुन् । उनले पुनः मतदान गराउने नियतबाट मतपत्र च्यातिएकाले आयोग त्यसको मतियार बन्न नहुने धारणा राखेको आयोगका एक उच्च अधिकारीले जानकारी दिए ।

फेसबुकबाट तपाइको प्रतिक्रिया