कोरोना संक्रमणको स्थिति गम्भीर बनेमा ओलम्पिक रद्द गर्न सकिने : एलडीपी महासचिव

टोकियो । जापानको सत्ताधारी प्रमुख दल लिबरल डेमोक्र्याटिक पार्टी (एलडीपी) का महासचिव तोशिहिरो निकाईले टोकियो ओलम्पिक कोरोना संक्रमणको स्थिति गम्भीर बनेमा रद्द गर्न सकिने बताएका छन् ।

टोकियो ओलम्पिक र पाराओलम्पिकको बारेमा बोल्दै एलडीपी महासचिवले भने कि ‘यदि नयाँ कोरोना भाइरसको संक्रमण अवस्था गम्भीर भयो भने खेलहरू रद्द गर्नु पनि विकल्पको रूपमा विचार गर्नु आवश्यक छ ।
लिबरल डेमोक्र्याटिक पार्टीका महासचिव निकाईले टोकियो ओलम्पिक र पाराओलम्पिकका बारेमा टीबीएस सीएस कार्यक्रमको रेकर्डिगंमा लेखेका छन् । ‘जहाँसम्म, त्यहाँ समाधान गर्न विभिन्न तयारी र विषय वस्तुहरू छन्, र यो महत्त्वपूर्ण छ कि तिनीहरूलाई एक एक गरेर समाधान गर्नपर्छ ।’

अर्कोतर्फ, जब नयाँ कोरोना भाइरसको संक्रमण अवस्था गम्भीर भयो भने के गर्ने भनेर सोध्दा, उनले भने ‘मैले त्यसबेलाको स्थितिको आधारमा निर्णय लिनु पर्छ । हामीले यसलाई छिटो रोक्नु पर्छ । यदि हामीले संक्रमण फैलनबाट रोक्न सकेनौं अवस्था जटिल हुने बताएका छन् ।

ओलम्पिक सुरु हुन १०० दिन पनि बाँकी नरहदा सत्तापक्ष पार्टीका महासचिवको यो भनाईले पनि टोकियो ओलम्पिक हुने वा नहुने विषयमा थप अन्यौल छाएको छ ।

फेसबुकबाट तपाइको प्रतिक्रिया

%d bloggers like this: