Nepali date


शुक्रबार, भदौ ६, २०७६

एनआरएनए कतारको प्रथम उपाध्यक्ष पदमा उत्तम गुरुङको उम्मेद्वारी

कतार । बिगत लामो समयदेखि कतारलाई आफ्नो जीविकोपार्जनको मुख्य स्रोत बनाउदै आएका युवा ब्यवसायी उत्तम गुरुङ्ले गैरआवासीय नेपाली संघ कतार २०१९ -२०२१ कार्यकालको निम्ति प्रथम उपाध्यक्ष पदमा आफ्नो उम्मेद्वारी दावी गरेका छन ।

२०१७ – २०१९ कार्यकालमा कोषाध्यक्षको पदमा रही काम गरेका उनि कतारको हकमा एक सफल ब्यवसायी पनि हुन। गैर आवासीय नेपाली संघ कतारलाई बिगत केहि बर्ष एता बिभिन्न कालखण्डमा चरम आर्थिक घोटालामा तानिदै आएको भएपनि यो बर्ष भने उनको कार्यकालमा कुनै किसिमको गुनासो सुन्नमा नआएकोले पनि उनि केहिहद सम्म आफ्नो जिम्मेवारीमा सफल रहेको आंकलन गर्न सकिन्छ । झन्डै ४ लाख नेपालीको बसोवास रहेको कतारमा उनको उम्मेदवारी लाइ सकारात्मक लिदैं सम्पूर्ण पार्षदहरुको सहयोग रहनेमा कुनै संका नरहेको उनि दावी गर्दछन।

मेरो अपिल !
“गैरआवसिय नेपाली संघ कतारको प्रथम उपाध्यक्षमा मेरो उम्मेदवारी”

आदरणीय गैरआवसिय नेपाली संघका सस्थापक एवं अग्रज अभियन्ता, पंजिकृत सदस्य महानुभाव्, कतारमा कार्यरत सम्पुर्ण गैरआवसिय नेपाली दाजु भाई तथा दिदी बहिनिहरु, एवं पत्रकार मित्रहरुमा हार्दिक नमस्कार ।

NRNA NCC कतारको 2017-2019 कार्यकालमा कोषाध्यक्षको रुपमा रहेर काम गरे पस्चात मैले सिकेको र महशुस गरेकोे समाज सेवा भित्रको मर्म र भावनालाई अझै बढी प्रभावकारी रुपमा यसै साझा सस्था मार्फत थप कार्य गर्ने उद्देश्य अनुरुप आगामी अगस्ट २३ तारिखका दिन हुन लागिरहेको गैरआवासीय नेपालि संघ कतार को 2019-20121 कार्यकालको निर्वाचनका लागि प्रथम उपाध्यक्षमा उमेद्वारी दिने बिचार बनाएको यहाँहरु सबैलाई सहर्ष जानाकारी गराउन चाहन्छु ।

कतारमा कार्यरत नेपाली श्रमिकहरुको अभिभाकत्व निभाइरहेको साझा संस्थामा रहेर नेपाली श्रमिकका हक, हितका लागि काम गर्ने आफ्नो दृढ इच्छा राख्दै, सबै परिषद सद्स्यहरुको साथ, सहयोग र बिस्वाशका साथ आफु निर्वाचित भएमा आगामी दिनमा सस्थाको सम्पूर्ण पदाधिकारीसँग हातेमालो गर्दै, सही योजना र कार्यक्रममा प्रत्यक्ष सहभागी भइ सस्थालाई अझै सबल्, सक्षम र सबै नेपाली श्रमिकहरुको हक, हितको पक्षमा काम गर्न सक्ने तर्फ उन्मुख गराउदै हरेक नेपाली श्रमिकको दुख सुखमा साथ दिन सक्ने तर्फ अगाडी बढाउन हजुरहरु कै सल्लाह सुझाबका साथ आफ्नो ठाउँबाट महत्वपूर्ण भूमिका निर्बाह गर्ने प्रतिबद्द्ता यहाँहरु समक्ष गर्दै प्रथम उपाध्यक्षमा रहेर सेवा गर्ने मौका दिनु हुन सम्पूर्ण NRNA NCC कतारको पंजिकृत सदस्य सम्पुर्ण नेपाली दाजुभाइ तथा दिदीबहिनीहरुलाई हार्दिक अनुरोध गर्दछु ।
साथै NRNA NCC कतारले 2019-2021 कार्यकालको लागि सदस्यता आव्हान गरेको समेत जानकारी गराउन चाहन्छु । सक्दो बढी सदस्यता लिई दिन पनि सबै कतारवासी नेपाली दाजुभाई तथा दिदीबहिनीहरुलाई हार्दिक अनुरोध गर्दछु ।

उत्तम गुरुङ,
कोषाध्यक्ष,
NRNA NCC Qatar

Loading...

फेसबुकबाट तपाइको प्रतिक्रिया