काठमाडौं,१९ साउन । संसदीय सुनुवाइ समितिबाट दीपकराज जोशी प्रधानन्यायाधीश अस्वीकृत भएपपछि अब दोस्रो नम्बरमा रहेका न्यायाधीशको भाग्य चम्किएको छ । जोशीले आजै पदबाट राजीनामा दिने भएका छन् ।
सर्वोच्चका वरिष्ठ न्यायाधीश ओमप्रकाश मिश्रका लागि बाटो खुलेको छ । मिश्र प्रधानन्यायाधीश भएमा कार्यकाल जम्मा पाँच महिनाको हुनेछ । १८ पुसमा अवकाश पाउने मिश्रपछि अर्का न्यायाधीश चोलेन्द्रशमशेरका लागि बाटो खुल्नेछ ।
केहीको नाम अस्वीकृत भएपछि नयाँ प्रधानन्यायाधीशका लागि संवैधानिक परिषद्ले सिफारिस गर्नुपर्नेछ । न्यायपरिषदले यसअघि नै जोशीसहित तीन जनाको नाम सिरफासिस गरिसकेको छ ।
जोशी प्रधानन्यायाधीश भएमा मिश्र प्रधानन्यायाधीश हुन नपाई आउनट हुने थिए । चोलेन्द्रशमशेर राणाका लागि बाटो खुल्ने थियो । आगामी पुसमै चोलेन्द्रशमशेरको पालो आउने भने निश्चित छ ।
ओमप्रकाश मिश्र तिनै न्यायाधीश हुन जसले जोशीसंग एउटै इजलासमा बसेर हाँडीगाउँको रु २ अर्ब मुल्य पर्ने ३६ रोपनी ६ आना सार्वजनिक जग्गा व्यक्तिको नाममा हुने आदेश दिएका थिए ।
कायममुकायम प्रधान न्यायाधीश दीपकराज जोशी र जोशीपछिको वरियतामा रहेका सर्वोच्चकै वरिष्ठतम न्यायाधीश मिश्रको संयुक्त इजलासले काठमाडौंको हाँडीगाउँमा रहेको करीब अर्ब पर्ने ३६ रोपनी ६ आना सार्वजनिक जग्गा नक्कली मोहीका नाममा दर्ता गर्न आदेश दिएको सार्वजनिक भएको थियो ।