विश्कपमा आजदेखि सेमीफाइनलका खेल हुँदै, आज फ्रान्स र बेल्जियम भिड्ने

मस्को । रुसमा जारी विश्वकप फुटबलमा आजबाट सेमीफाइनलको खेल सुरु हुँदैछ।
पहिलो सेमीफाइनलमा युरोपकै फ्रान्स र बेल्जियमबीच प्रतिस्पर्धा हुँदैछ । यी दुवै टोली समुह विजेताका रुपमा नकआउट चरणमा प्रवेश गरेका थिए ।
फ्रान्स समुह सी र बेल्जियम समुह जीको विजेताको रुपमा अन्तिम १६ माप्रवेश गरेका हुन् । प्रतियोगितामा दुवै टोली अपराजित छन् ।
नकआउट चरणमा फ्रान्सले अर्जेन्टिना र बेल्जियमले जापानलाई पराजित गरेको थियो । क्वाटरफाईनलमा फ्रान्सले उरुग्वे र बेल्जियमले ब्राजिललाई हराउँदै अन्तिम ४ को यात्रा तय गरेका थिए । सेन्ट पिटरवर्गको क्रिस्टोवस्की रंगशालमा हुने खेल नेपाली समय अनुसार राति पौने १२ बजे सुरु हुनेछ।