खोटाङको प्रदेश र प्रतिनिधिसभा सबै सिटमा वाम गठबन्धन विजयी

काठमाडौं,२३ मंसिर । खोटाङको प्रदेश र प्रतिनिधिसभा तर्फका सबै सिट जित्दै वाम गठबन्धनले क्लिनस्वीप गरेको छ ।

खोटाङको प्रतिनिधिसभामा एमालेका बिशाल भट्टराई ३५ हजार ३७७ मत प्राप्त गरी बिजयी भएका छन् । निकटतम प्रतिस्पर्धी कांग्रेसकी सरस्वती बजियमले २२ हजार ६१२ मत प्राप्त गरेकी छन् । बिशाल भट्टराई यसअघि खोटाङ क्षेत्र नम्बर १ बाट सांसद निर्वाचित भएका थिए ।

प्रदशेसभातर्फ पनि क्षेत्र नम्बर १ मा एमालेका राजन राई १८ हजार ९३३ मतका साथ बिजयी भएका छन् । निकटतम प्रतिस्पर्धी कांग्रेसका सुवास पोखरेलले १३ हजार ४११ मत प्राप्त गरेका छन् ।

प्रदेशसभातर्फ क्षेत्र नम्बर २ माओवादीका रामकुमार राई १८ हजार ३७२ मत प्राप्त गरि बिजयी भएका छन् ।