फलेवास (पर्वत), २८ भदौ । दक्षिण पर्वतको बिहादी गाउँपालिका र बागलुङको जैमिनी नगरपालिका जोड्ने गाईथुने घाटमा कालीगण्डकी नदीमाथि पक्की पुल बनाउन स्थानीयबासीले माग गरेका छन् ।
कालीगण्डकी करिडोर र कालीगण्डकी राजमार्ग जोडिने र यसले त्यस क्षेत्रका धेरै जनता लाभान्वित हुने भन्दै बिहादीको बाच्छाका बासिन्दाले यस्तो माग गरेका छन् ।
बाच्छाका स्थानीयले गाउँमा आमभेला राखेर पुल निर्माणका लागि जनप्रतिनिधिदेखि राजनीतिक दलका नेतालाई बुझाएका हुन् । चुनावअगावै जसले पुल निर्माणमा सहयोग गर्छ, उसैको पक्षमा मत जाने भन्दै स्थानीयले जनताको अत्यावश्यक कामको छिटो सम्बोधन हुनुपर्ने बताए ।
“आम भेलाको निर्णय सडक डिभिजन कार्यालय, जिल्ला समन्वय समिति र सांसदसमक्ष पु¥याएका छाँै” बाच्छाका सेवकनाथ आचार्यले भन्नुभयो । उहाँले राजनीतिक तहकै पहलमा पक्की पुलको योजना पर्न सम्भव रहेको भन्दै जसले सहयोग गर्छ उसैको पक्षमा आगामी प्रतिनिधिसभा र प्रदेशसभाको निर्वाचनमा मत जाने बताउनुभयो ।
यो पुल निर्माणपछि विशेषगरी बागलुङको दक्षिणी भेगका बासिन्दालाई पोखरा, काठमाडौँ, बुटवल जाने बाटो छोटिनेछ । पुल बनेपछि बिहादी गाउँपालिकाको बाच्छा क्षेत्रमा चहलपहल बढ्ने आचार्यले बताउनुभयो ।
“बागलुङको जैमिनी नगरपालिकास्थित छिस्ती र बिहादी गाउँपालिकाको बाच्छामा पक्की पुल तत्काल आवश्यक देखिएको छ” उहाँले भन्नुभयो– “पुलले कालीगण्डकी करिडोर र राजमार्गलाई समेत जोड्नेछ ।”
बाच्छाका स्थानीय भीमबहादुर खड्काले पक्की पुल निर्माणका लागि सांसद अर्जुनप्रसाद जोशी र सडक डिभिजन कार्यालयमा निर्णयसहित माग गरिएको जानकारी दिनुुभयो ।
खड्काले कालीगण्डकी वारी र पारी पारिवारिक सम्बन्धदेखि धेरै काम हुने भएकाले पक्की पुल नहुँदा गाडीमा १० मिनेटमा पुगिने ठाउँमा घुमेर घण्टौँ लगाउनुपर्ने उहाँले बताउनुभयो ।
यो पुलले बिरामी भएका व्यक्तिलाई तत्काल अस्पताल पु¥याउन समेत सहज हुने बाच्छाका शिक्षक राजेन्द्र आचार्यले जानकारी दिनुभयो । रासस
––––––––––––
