एजेन्सी । इरानले जापानी जहाजहरूलाई होर्मुजको जलडमरूबाट पारगमन गर्न अनुमति दिइने बताएको छ, जुन तेहरानले रणनीतिक जलमार्गको छनौट नाकाबन्दी गर्न थालेको पछिल्लो संकेत हो।
“हामीले जलडमरू बन्द गरेका छैनौं। हाम्रो विचारमा, जलडमरू खुला छ। यो केवल हाम्रा शत्रुहरू, हामीमाथि आक्रमण गर्ने देशहरूका जहाजहरूका लागि बन्द छ। अन्य देशहरूका लागि, जहाजहरू जलडमरूबाट पार गर्न सक्छन्,” इरानी विदेशमन्त्री अब्बास अराघचीले शुक्रबार साँझ जापानको क्योडो समाचारलाई बताए।
अमेरिकी राष्ट्रपति डोनाल्ड ट्रम्पले होर्मुज जलडमरूको सुरक्षाका लागि जापान, चीन र अन्य देशहरूले सहयोग गर्नुपर्ने बताएका बेला ईरानले यस्तो प्रतिक्रिया दिएको छ ।
गत फेब्रुअरी २८ देखि इरानसँग युद्ध सुरु भए पश्चात् इरानी सर्वोच्च नेता लगायत दर्जन बढ़ी नेतृत्वलाई मारिसकेको अमेरिकालाई यही जल बन्दले थला पारेको छ ।
ह्वाइट हाउसमा अमेरिकी राष्ट्रपति ट्रम्प र जापानी प्रधानमन्त्री सानाए ताकाइची बीच यही साता शिखर वार्तामा होर्मुजको जलडमरूको समाधानको लागि सहकार्य गर्ने सहमति भएको थियो ।
