चलचित्र कलाकार संघको अध्यक्षमा मोहन निरौला निर्वाचित

काठमाडौं । नेपाल चलचित्र कलाकार संघको अध्यक्षमा मोहन निरौला विजयी भएका छन् । निरौला रेजिना उप्रेतीलाई २६ मतान्तरले पछि पार्दै विजयी भएका हुन् ।

शनिबार भएको मतदानमा ४ सय ६८ खसेको मतमा निरौलाले २ सय ३५ मत प्राप्त गरे भने उप्रेतीले २०९ मत पाइन् ।

त्यस्तै उपाध्यक्षमा कविता गेलाल र शिवहरि बैरागी विजयी भए । त्यस्तै महासचिवमा सविन श्रेष्ठ सचिवमा रामेश्वर बुर्लाकोटी, कोषाध्यक्षमा सुनिल कटवाल र सह–कोषाध्यक्षमा पबित्रा आचार्य विजयी भएका छन् ।

यसैगरी,सदस्यहरुमा सितल केसी,गोपाल ढकाल ‘छन्दे’,
उद्दव प्रसाद भट्टराई,पवन केसी,नम्रता खरेल,पुकार भट्टराई,
खुश्बु खड्का,सरिता राजोपाध्याय,रोशन श्रेष्ठ र समीर लामा निर्वाचित भएका छन् ।