विश्वमा १४ करोड भन्दा बढी कोरोना संक्रमणमुक्त

विश्वमा १४ करोड भन्दा बढी व्यक्ति कोरोना भाइरस संक्रमणमुक्त भएका छन् । पछिल्लो २४ घण्टामा नयाँ संक्रमितभन्दा हुने भन्दा संक्रमणमुक्त हुनेको बढेको हो ।

२४ घण्टामा ७ लाख ७८ हजार भन्दा बढी संक्रमणमुक्त भएका छन् । यो संगै विश्वमा कोरोना संक्रमणमुक्त हुनेको संख्या १४ करोड ३ लाख ८७ हजार १५७ पुगेको छ । कुल संक्रमितको आधारमा निको हुने दर ८७.०३५ प्रतिशत हो ।

यस्तै पछिल्लो २४ घण्टामा ६ लाख ९० हजार ६६४ जनामा संक्रमण पुष्टि भएको छ । योसँगै विश्वभर संक्रमितको संख्या १६ करोड २५ लाख २५ हजार ५८८ पुगेको छ । संत्रलमितमध्ये १ करोड ८७ लाख ६७ हजार भन्दाबढी सक्रिय संक्रिमतको संख्या रहेको छ । जसमध्ये १ लाख ३ हजार ६ सय बढीको अवस्था गम्भीर रहेको छ ।

यस्तै विश्वमा कोरोना संक्रमणका कारण मृत्यु हुनेको संख्या ३३ लाख ७१ हजार बढी पुगेको छ । पछिल्लो २४ घण्टामा १२ हजार ५ सय बढीको मृत्यु भएको छ कोरोनाका कारण विश्वमा सबैभन्दा बढी संयुक्त राज्य अमेरिका प्रभावित भएको छ । हालसम्म अमेरिकामा पाँच लाख ९९ हजार ३१४ जनाको मृत्यु भएको छ भने ३ करोड ३६ लाख ६४ हजार भन्दाबढीमा संक्रमण पुष्टि भएको छ ।

छिमेकी मुलुक भारतमा संक्रमितको संख्या २ करोड ४३ लाख ७२ हजार २४३ पुगेको छ भने २ लाख ६६ हजार २२९ जनाको मृत्यु भएको छ ।। हालसम्म २ करोड ४ लाख २६ हजार ३२३ जना संक्रमणमुक्त भएका छन् ।

फेसबुकबाट तपाइको प्रतिक्रिया

%d bloggers like this: