एनआरएनएको आज देखि १२औँ महाधिवेशन सुरु, नेतृत्व सहमतिमै चयन गरिने

काठमाडौं । गैरआवासीय नेपाली संघ ९एनआरएनए० का दुई अध्यक्षका प्रत्याशी डा। हेम राज शर्मा र रोविन शेरचन बीच नेतृत्व सहमतिमै चयन गरिने सहमती पश्चात् शेरचनले अध्यक्षको उम्मेदवारी फिर्ता गरेका छन् ।
रोविन शेरचनलाई वरिष्ठ उपाध्यक्ष बनाउने सहमती भएको छ । एनआरएनएको नेतृत्व सहमतिमै चयन गरिने भएको छ । सोहीअनुसार अध्यक्षका प्रत्याशी रोविन शेरचनले यसअघि दर्ता गराएको अध्यक्ष पदको उम्मेदवारी फिर्ता लिएका छन् ।

एनआरएनएका अध्यक्षद्वय बद्री केसी र महेश श्रेष्ठसहितको उच्चस्तरीय वार्तामा सहमतिका लागि शेरचन अध्यक्षको दौडबाट पछि हट्न सहमत भएका हुन् । सहमतिअनुसार उनले शुक्रबार नै वरिष्ठ उपाध्यक्ष पदमा मनोनयन दर्ता गराइसकेका छन् ।

‘मेरो सुरुदेखि नै भनाइ संस्था एकताबद्ध हुनुपर्छ भन्ने थियो । सोहीअनुसार संस्थाको हितका लागि आफ्नो उम्मेदवारी फिर्ता लिएको छु । सहमतिअनुसार वरिष्ठ उपाध्यक्षमा मैले मनोनयन दर्ता गराएको छु’, उनले भने ।
सहमति बनेपछि अध्यक्ष श्रेष्ठले अहिलेको आवश्यकता सहमति भएकाले सोहीअनुसार अघि बढिएको बताउँदै अहिले शेरचनले फिर्ता लिएको र अन्य आकाङ्क्षीहरूलाई पनि मिलाएर चुनाव नगर्नेतर्फ आफूहरूको ध्यान रहेको बताए । यसअघि अध्यक्षमा शेरचन र शर्मासहित रविन बज्राचार्यले पनि अध्यक्षमा उम्मेदवारी दिएका थिए ।
तर महासचिवका उम्मेदवार रामशरण सिम्खडाले आफूले उम्मेदवारी फिर्ता नलिने बताएका छन् । उनले आफू महासचिव चुनाव लड्न तयार रहेको भन्दै सहमति नमान्ने बताए । महासचिवमा चिरन्जिवी खड्काको पनि उम्मेदवारी रहेको छ ।

केही महिनाअघि विभिन्न समूहमा विभक्त एनआरएनए एकीकृत भएको थियो भने सोही एकीकृत एनआरएनएको आज शनिबारदेखि १२ औँ महाधिवेशन सुरु हुँदैछ ।