बुधबारसम्म मन्त्रिपरिषदलाई पूर्णता दिने सत्तारूढ गठबन्धनको निर्णय

काठमाडौं । सत्तारूढ गठबन्धनले बुधबारसम्म मन्त्रिपरिषदलाई पूर्णता दिने निर्णय गरेको छ । मंगलबार प्रधानमन्त्री निवास बालुवाटारमा बसेको सत्ता गठबन्धनका नेताहरुको बैठकले बुधबारसम्ममा मन्त्रिपरिषद् विस्तार टुंग्याउने निर्णय गरेको हो ।

आजै साँझ वा भोलि बिहान पुनः बैठक बसेर बुधबारसम्ममा मन्त्रिमण्डल विस्तार टुंग्याउने गरी आजको बैठक सकिएको बताइएको छ । देउवा नेतृत्वमा गठबन्धन सरकार बनेको दुई महिना पुग्न लाग्दा पनि मन्त्रिपरिषद्ले पूर्णता नपाउँदा आलोचना भइरहेको छ । सोमबार बसेको गठबन्धन बैठकले आजसम्म मन्त्रिपरिषद विस्तार टुंग्याउने निर्णय गरेपनि भागबण्डामा कुरा नमिलेको बताइएको छ ।

अबको बैठकमा सभापति तथा अध्यक्षहरू मात्र बस्ने बताइएको छ । बैठकमा प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा (एकीकृत समाजवादी) का अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादवलगायत नेताहरू सहभागी थिए।

फेसबुकबाट तपाइको प्रतिक्रिया

%d bloggers like this: