एक दुईवटा पात पहेँलिएर झर्दैमा केही फरक पर्दैनः केपी ओली

काठमाडौं । नेकपा एमालेका अध्यक्ष केपी शर्मा ओलीले माधवकुमार नेपालले नयाँ पार्टी गठन गरेर आफूहरुलाई कुनै फरक नपर्ने बताएका छन् ।

शनिबार युथफोर्सले आयोजना गरेको कार्यक्रमलाई सम्बोधन गर्दै अध्यक्ष ओलीले आफूले पटकपटक सम्झाउँदा पनि नेता नेपालले पार्टी फुटाएको बताए ।

उनले पार्टी फुट नराम्रो भए पनि त्यसले असर नपर्ने बताए । उलने भने, ‘एक दुईटा पात खस्दैमा पीर मानेर रुख ढल्दैन। एक दुईवटा पात पहेँलिएर झर्छन्। रुखले पीर मानेर बस्छ? अर्को टुसो हाल्छ ।’

उनले एमालेले नेताहरुका नयाँ नयाँ पंक्ति सिर्जना गर्दै जाने पनि बताए। उनले भने,‘ एमाले जनताले माया गरेको पार्टी हुनेछ । अरुले सबैको भोट जोड्दा पनि हाम्रो कम्मर कम्मर पनि आइपुग्दैन। हामीले प्रतिस्पर्धा हुन दिने होइन। एमालेको एकातिर र अरुको अर्कातिर हुँदा पनि कम्मर कम्मरमा मात्रै आउँछ।’

फेसबुकबाट तपाइको प्रतिक्रिया

%d bloggers like this: