बिहिबार, साउन १०, २०८१

शनिबारसम्म केही स्थानमा ‘अतिभारी वर्षा’ हुने

काठमाडौं । मौसम पूर्वानुमान महाशाखाले आगामी शनिबारसम्म नेपालमा मनसुन सक्रिय हुने सम्भावना रहेको जनाएको छ । महाशाखाले बुधबार साँझ सूचना जारी गरी शनिबारसम्म सुदूरपश्चिम र कर्णाली प्रदेशका एक–दुई स्थानमा भारी वर्षाको सम्भावना रहेको जनाएको हो ।

महाशाखाकाअनुसार कोसी, मधेस, वाग्मती, गण्डकी र लुम्बिनी प्रदेशका केही स्थानमा भारीदेखि अति भारी वर्षाको सम्भावना छ । हाल मनसुन न्यून चापीय रेखा पश्चिममा सरदर स्थानको आसपास र पूर्वमा सरदर स्थानभन्दा उत्तरतर्फ छ । आज रातिबाट उक्त रेखा अझ नेपालतिर सर्ने सम्भावना छ ।