ललितपुर । आगलागीबाट ललितपुरमा पाँच जना घाइते भएका छन् । ललितपुरको बाफलमा एउटा टहरोमा आगलागी हुँदा पाँच जना घाइते भएका हुन् । आइतबार बिहान आगलागी भएको जिल्ला प्रहरी परिसर ललितपुरका एसपी नरेशराज सुवेदीले जानकारी दिए । उनकाअनुसार मोबिल राखेको ठाउँमा आगलागी भएको हो ।
आगलागी नियन्त्रणमा लिन पाँच वटा दमकलको प्रयोग गरिएको छ । घाइतेहरू पाँचै जनालाई किष्ट अस्पतालमा लगिएको छ । प्रहरीका अनुसार तीन जना बालकको अवस्था भने गम्भीर छ।
