शनिबार, असोज ०८, २०७९

बैंकको तरलताले घर जग्गासंगै गाडी खरिदबिक्री पनि ओरालो

काठमाडौँ १० चैत । गत पुस महिनादेखि तरलता अभावको कारण देखाउंदै रास्ट्र बैंकले घर जग्गा र गाडी कर्जामा कडाइ गरेपछि यस वेला घर जग्गासंगै नयाँ  गाडी खरिदबिक्री घटेको छ  ।

नेपालमा अहिले प्रयोग हुने सवारी साधनको संख्या करिब २३ लाख हाराहारी छ ।   यातायात व्यवस्था कार्यालयको बिवरण अनुसार जम्मा सावरी मध्ये  निजी दुई पाङ्ग्रे र चार पाङ्ग्रे सवारी साधनको हिस्सा करिब २० लाख रहेको देखिन्छ ।  यसको अर्थ हाम्रा सडकमा चल्ने सार्वजनिक यातायातले जम्मा सवारीको  १० प्रतिशत भन्दा कम संख्या ओगट्छन र त्यही संख्याले ठूलो संख्याका नागरिकलाई यातायात सेवा दिनु पर्छ ।
नेपालीको औसत आम्दानी कम छ ।   त्यसमाथि सवारी साधनमा कायम गरिएको उच्च भन्सार शूल्कले नेपालमा निजी सवारीको मूल्य वास्तविक भन्दा तीन गुणा बढी पर्न जान्छ  ।  यही अवस्थालाई मध्यनजर  गर्दै बिगत केही बर्षमा बैंक तथा वित्तीय संस्थाले सवारी साधनको मूल्यको ९० प्रतिशतसम्म फ़ाइनान्सिङ्ग सुबिधा दिन थालेपछि निजी सवारी प्रयोग कर्ताको संख्या ह्वात्तै बढ्यो ।

तर गत पुस महिनादेखि तरलता अभावको कारण देखाउंदै रास्ट्र बैंकले गाडी कर्जामा कडाइ गरेपछि बजारमा नयाँ  गाडी खरिदबिक्री ६० देखि ७० प्रतिशतले कम भएको छ ।  अहिले जम्मा मूल्यको आधा मात्र बैंक कर्जा पाइने व्यवस्था छ भने बैंकले पहिले ५ प्रतिशत सम्ममा पाइने ब्याज बढाएर १० प्रतिशत भन्दा माथि पुर्याएका छन् । गाडीलाई साँच्चै विलासिताको साधन बनाइएदिएको छ यो कर्जा प्रणालीले ।

गत आर्थिक बर्षमा जम्मा राजस्वको ४० प्रतिशत योगदान अटो क्षेत्रको रहेको अर्थ मन्त्रालयको आँकडाले देखाएको छ ।  यसबर्ष अटो क्षेत्रको राजस्व  योगदान  घट्ने निश्चित छ ।

%d bloggers like this: