सिन्धुपाल्चोक । गतअसार १ गते गएको बाढिपहिरो कारण सिन्धुपाल्चोक जिल्लामा अरबौको जनधनको क्षति पुर्याएको छ । बाढी प्रभावितलाई ब्यबस्थापन र भत्किएको संरचनाको पुर्ण निर्माण गर्न गृहमन्त्री बालकृष्ण खाणले निर्देशन दिएका छन ।
शनिबार क्षतिग्रस्त क्षेत्रको स्थलगत भ्रमण र हेल्म्बु-मेलम्ची पुगेका गृहमन्त्रीले ईन्द्रवती र मेलम्चीबाट आएको बाढी रोक्न चेकड्याम बनाउनु पर्ने बताए ।
हेलम्बु गाउपालिकाको वडा नम्बर २ स्थलगत भ्रमण निरीक्षण गरि मेलम्ची खानेपानी आयोजनाको हेडर्क्स तथा बस्तीहरु बचाउन कहाँबाट के खस्यो ड्यामहरु बनाउनु पर्ने हो यस बारे पनि अबलोकन गरेका छन् ।
गृहमन्त्रीको त्यस टोलीमा संघीय सांसद तथा पूर्व मन्त्री शेर बहादुर तामाङ, पुर्वमन्त्री मोहन बस्नेत , प्रदेश सभा उपाध्यक्ष युबराज दुलाल र निमा लामा ,योजना आयोगको उपाध्यक्ष बिस्व पौडेल, गृह सचिब टेक नारायण पाण्डे , सडक बिभाग महा लनिर्देश्क अर्जुन थापा , सिचाई बिभागका उपनिर्देशक प्रदीप थापा, राष्ट्रिय बिपद जोखिम न्युनिकरण तथा ब्यबस्थापन प्राबिधिकरणका प्रमुख कार्यकारी अनिक पोखरेल र हेलम्बु गाउँपालिकाका अध्यक्ष निमा ग्याल्जेन शेर्पा सहभागी थिए।
कोरोना प्रकोप संगै आएको बाढी पहिरोले सिन्धुबासीलाई धेरै पिडा भएको थियो । खाने बस्ने केहि ठेगान थिएन ।
विभिन्न क्षेत्रबाट सहयोग पाउदा खुशीको सिमा नरहेको स्थानीय बासिन्दाले बताए ।