कम्युनिष्ट शक्तिहरुसँग एकताका लागि पहल गर्ने माओवादीको निर्णय

काठमाडौं । नेकपा माओवादी केन्द्रले पार्टीलाई व्यवस्थित र विधिसम्मत रुपले सञ्चालन गर्दै अन्य कम्युनिष्ट शक्तिहरुसँग एकता र ध्रुविकरणका लागि वार्ता गर्न पहल गर्ने निर्णय गरेको छ ।

पार्टी मुख्यालय पेरिसडाँडामा आइतबार बसेको स्थायी कमिटी बैठकले नेपालका कम्युनिस्टहरूको एकताका लागि प्रक्रिया अघि बढाउने निर्णय गरेको हो ।

पार्टी प्रवक्ता नारायणकाजी श्रेष्ठले भने, ‘हाम्रो पार्टीलाई व्यवस्थित गर्ने, विधिसम्मत ढंगले, संस्थागत ढंगले सञ्चालन गर्ने र यसको क्रान्तिकारी रुपान्तरण गर्ने कुरालाई केन्द्रबिन्दूमा राख्दै अरु सबै कम्युनिष्ट क्रान्तिकारी शक्तिहरु सँग पनि एकता र ध्र्रुविकरणको निम्ति वार्ता गर्न आवश्यक प्रक्रिया अगाडि बढाउने निर्णय भएको छ ।’

त्यस्तै बैठकले विभिन्न प्रदेशमा रिक्त रहेको पदाधिकारी तथा सबै जिल्लामा इन्चार्ज तोकेको छ । त्यसैगरी बैठकले विभागको प्रमुख पनि तोकेको प्रवक्ता श्रेष्ठले जानकारी दिए । जिल्ला समन्वय समितिको संयोजक तोक्ने काम भने सम्बन्धित प्रदेशलाई दिइएको उनले बताए । प्रवक्ता श्रेष्ठले माधवकुमार नेपालको नेकपा (एकीकृत समाजवादी) पार्टीको दर्ता प्रक्रिया पुरा भइसकेपछि मन्त्रिपरिषद बिस्तार हुने बताए ।

फेसबुकबाट तपाइको प्रतिक्रिया

%d bloggers like this: