ओली नसच्चिए जुनसुकै निर्णय लिन बाध्य हुन्छौंः विरोध खतिवडा

काठमाडौं । नेकपा एमालेका वरिष्ठ नेता माधवकुमार नेपाल पक्षले पार्टी अध्यक्ष केपी शर्मा ओलीलाई आफूले गरेको एकलौटी निर्णय तत्काल फिर्ता लिन दवाव दिएको छ ।

मंगलबार नयाँ बानेश्वरस्थित अर्याल होटलमा बसेको नेपाल पक्षका नेताहरुको बैठकले अध्यक्ष ओलीले पछिल्लो समय गरेका निर्णयहरु तत्काल फिर्ता नलिए आफूहरु जुनसुकै निर्णय लिन बाध्य हुने चेतावनी दिएको हो ।

बैठकपछि पत्रकारहरुसँग कुरा गर्दै नेता विरोध खतिवडाले एकलौटी गरेका निर्णय फिर्ता लिन पार्टी अध्यक्ष ओलीलाई आग्रह गरे । उनले भने, ‘ पछिल्लो राजनीकि अवस्था, अध्यादेश, पार्टी अध्यक्ष ओलीले २६० जना सदस्यीय केन्द्रीय समिति निर्वाचन आयोगमा पठाएर जालझेल गरेको लगायतका विषयमा छलफल गर्यौं ।’

उनले पार्टी अध्यक्ष ओलीले जालझेल गरेर गरेका निर्णयहरु फिर्ता नलिए आवश्यकताले अघि बढने चेतावनी दिए । अन्तिम समयसम्म पार्टी एकताका लािग प्रयत्न गर्ने तर त्यसलाई कमजोरी रुपमा लिइए जुनसुकै कदम चाल्न बाध्य हुने चेतावनी दिए । उनले पार्टी अध्यक्षलाई सच्चिन एकदिनको समय बाँकी रहेको बताए ।

फेसबुकबाट तपाइको प्रतिक्रिया

%d bloggers like this: