जनताको स्वास्थ्यमाथि खेलबाड नगर्न सरकारलाई कांग्रेस सभापति देउवाको चेतावनी

काठमाडौं । नेपाली कांग्रेसका सभापति शेरबहादुर देउवाले सरकारको गैर जिम्मेवारीकै कारण कोभिडको महामारीबाट जनताले दुःख पाएको आरोप लगाएका छन् ।
कांग्रेसको कोभिड १९ अनुगमन समितिले आइतबार कर्णाली, सुदुरपश्चिम र लुम्बिनी प्रदेशका लागि गरेको भर्चुअल अन्तरक्रियामा बोल्दै सभापति देउवाले जनताको स्वास्थ्यमाथि खेलबाड नगर्न सरकारलाई चेतावनी समेत दिएका हुन् ।
‘अस्पतालमा बेड, अक्सिजन र उपचार नपाएर जनताको मृत्यु भइरहेको छ । सरकार नचाहिने काममा व्यस्त भएको छ । जनताको जीवनमाथि खेलबाड गर्न पाइदैन’, देउवाले भने ।

उनले कोरोना कहरका बीच बिरामीहरुको उपचारका लागि खटिने स्वास्थ्यकर्मी लगायत सबै फ्रन्टलाइनरहरुलाई धन्यवाद समेत ज्ञापन गरेका छन् । सभापति देउवाले समस्यामा परेका जनतालाई कांग्रेसका नेता कार्यकर्ताले सकेको सहयोग गर्नुपर्ने बताए ।
‘कांग्रेस जिम्मेवार पार्टी हो । जनताको सुखदुखमा हामी उभिनुपर्छ । कोभिडबाट सतर्क रहँदै जनतालाई सेवा गर्न सबैजना खटिन देउवाले आग्रह गरेका छन् ।

फेसबुकबाट तपाइको प्रतिक्रिया

%d bloggers like this: