कोभिडका कारण एसईई र कक्षा १२ को परीक्षा स्थगित

काठमाडौँ । राष्ट्रिय परीक्षा बोर्डले एसईई र कक्षा १२ को परीक्षा स्थगित गरेको छ । सोमबार बिहान बसेको बोर्ड बैठकले जेठ १३ गतेदेखि सञ्चालन हुने एसईई र जेठ २६ गतेबाट हुने कक्षा १२ को परीक्षा स्थगित गर्ने निर्णय गरेको हो ।

बोर्डका अध्यक्ष चन्द्रमणि पौडेलले अर्को सूचना नभएसम्मका लागि दुवै परीक्षा स्थगित गरिएको जानकारी दिएका छन् । त्यस्तै बोर्ड बैठकले एसईई र कक्षा १२ को परीक्षा कसरी सञ्चालन गर्न सकिन्छ भन्नेबारेमा अध्ययन गर्न ५ सदस्यीय कार्यदलसमेत गठन गरेको छ ।

शिक्षा तथा मानव स्रोत विकास केन्द्रका महानिर्देशक बैकुण्ठ अर्यालको संयोजकत्वमा कार्यदल गठन गरिएको हो । कार्यदलले कोरोनाको संक्रमण कायमै रहेर भौतिक उपस्थितिमा परीक्षा सञ्चालन गर्ने अवस्था नरहे के कसरी अघि बढ्ने भन्ने मोडालिटी तय गर्नेछ ।

कोरोना महामारीका कारण ६७ जिल्लामा निषेधाज्ञा जारी भएको भने महामारी नियन्त्रण बाहिर गएका कारण परीक्षा स्थगित गरिएको हो । गतवर्ष पनि कोरोना महामारीका कारण इसइई र कक्षा १२ को परीक्षा हुन सकेको थिएन ।

फेसबुकबाट तपाइको प्रतिक्रिया

%d bloggers like this: