शुक्रबार, चैत १६, २०८०

टोकियोमा “तेश्रो नवलपरासी तीज धमाका” कार्यक्रम हुने

टोकियो । हिन्दु नारीहरुको महान चाड हरितालिका तिजलाई लक्षित गर्दै नवलपरासी समाज जापानले “तेश्रो नवलपरासी तीज धमाका” कार्यक्रम गर्ने घोषणा गरेको छ ।

नवलपरासी समाजले अगष्ठ २६ तारिख टोकियोको नाकानो जिरो हलमा तिज कार्यक्रममा गर्ने एवं उक्त तिज कार्यक्रममा नेपालका लोक तथा दोहोरी गायिकाहरु सम्झना लामिछाने मगर ,सुनिता दुलाल सगै जापानमा रहेर संगित क्षेत्रमा निरन्तर लागिपरेका कलाकारहरू गायक सुर्य खड्का ,गायक सुशील ज्ञवाली,गायक चेतन घर्ती ,गायक समुन्द्र राज पौडेल ,गायिका सोना केसी,निशा क्षेत्रीको प्रस्तुति रहने बताएको छ ।

कार्यक्रमलाई भव्य र व्यवस्थित बनाउनका लागी बिभिन्न उपसमितिहरु बनाईएको छ ।कार्यक्रमको तयारी ७० % पुरा भई सकेको नवलपरासी समाज जापानका सचिव ऋषिराम पौडेलले जानकारी दिनुभयो ।

जस्तो सुकै अफ्ठेरो परिस्थिती आए पनि कार्यक्रम भव्य र सब्य हुनेमा ढुक्क रहेको नवलपरासी समाज जापानका अध्यक्ष गोपाल कण्डेलले बताउनुभयो ।

टोकीयोमा छरीएर रहेका सम्पूर्ण नेपाली दाजुभाई दिदि बहिनिहरुलाई कार्यक्रममा उपस्थीत भई कार्यक्रम सफल पारिदिन कार्यक्रम संयोजक गिता कंडेल अनुरोध गर्नुभयो।

स्मरण रहोस् नवलपरासी समाज जापाले जापान सगैं नेपालको बिभिन्न सामाजिक क्षेत्रमा सहयोग गर्दै आईरहेको छ ।