लिबिया । अफ्रिकि मुलुक लिवियामा पुनः नयाँ संकट सिर्जना भएको छ ।
सशस्त्र विद्रोही संगठनका नेता खालिफा हफ्तारले आफ्ना सेनालाई त्रिपोलीतर्फ अघि बढ्न आदेश दिएपछि नयाँ संकट सिर्जना भएको हो ।
सन् २०११ मा कर्नेल मुअम्मर गद्दाफीलाई सत्ताबाट हटाएर हत्या गरिएपछि अस्थिरतासँग जुध्दै आएको अफ्रिकी मुलुक लिवियामा पुनः नयाँ संकट सिर्जना भएको अन्तराष्ट्रिय सञ्चारमाध्यमहरुले जनाएका छन् । योसँगै विद्रोही सेना त्रिपोलीबाट करिब ५० किलोमिटर नजिक पुगेको छ ।
जहाँ उनीहरुको अन्य सशस्त्र समूहहरुसँग संघर्ष भइरहेको बताइएको छ । राजधानी त्रिपोलीबाट लिवियाको अन्तर्रािष्ट्रय मान्यता प्राप्त सरकारले आफ्नो कामकाज चलाउँदै आएको छ ।
