काठमाडौं । नेतृ रामकुमारी झाँक्री एमाले फर्कने भएकी छिन् । काठमाडौंको राष्ट्रिय सभा गृहमा आयोजित कार्यक्रमकाबीच झाँक्री एमाले फर्कन लागेकी हुन् ।
एमालेले सोमबार दिउँसो साढे २ बजे ‘घर फर्क राष्ट्रिय अभियान घोषणा सभा’ कार्यक्रम आयोजना गरेको छ । उक्त कार्यक्रममा आफूहरूकै अभियान भएको भन्दै कार्यक्रममा सहभागी हुन झाँक्रीले आह्वान गरेकी छिन् ।
‘यो अभियान हाम्रो अभियान हो, हाम्रो लागि हो । हामी सँगसँगै सबै जना कम्युनिष्ट आन्दोलनको मूल प्रवाह नेकपा एमालेमा समाहित हुन घर फर्कने अभियान हो,’ उनले भनेकी छिन् ।
